تاند ( چارشنبه، د دلوې ۱۸ مه) د طالبانو د بهرنیو چارو وزارت سرپرست مولوي امیرخان متقي نن د افغانستان لپاره د اروپايي ټولنې ځانګړي استازي، توماس نکلاسن سره په لیدنه کې ویلي، چې د افغانستان په اړه د دوحې ناستې ته دوی په ټولیز ډول په مثبت نظر ګوري، خو معنا داره ګډون پکې غواړي.
متقي نه دي ویلي، چې له « معنا داره» ګډون څخه یې په مشخص ډول هدف څه شی دی؟
مخکې هغه او نورو طالب چارواکو له دغې ناستې مخکې، یا یې په پایله کې د افغانستان د سولې لپاره د ملګرو ملتونو د ځانګړي استازي د ټاکل کېدو له پلان سره مخالفت ښودلی و.
د ملا متقي دفتر ویلي، چې هغه د « معنا داره» ګډون خبره د اروپایي ټولنې د ځانګړي استازي د غوښتنې په ځواب کې کړې ده.
سرچینه دا هم لیکي: په دې کتنې کې، د افغانستان په اړه په وروستيو کې د لندن ناستې، تېره اوونۍ په کابل کې د بهرنيو چارو وزارت له خوا تر سره شوې د افغانستان د سيمه ييزې همکارۍ ابتکار ناستې، په دوحه کې د افغانستان په اړه د بېلابېلو هيوادونو او سازمانونو د استازو د راتلونکې ناستې، د اروپايي ټولنې له خوا د نيمه پرمختيايي مرستو، په اروپا کې مېشتو افغانانو له پاره د قونسلي خدمتونو د وړاندې کولو او يو لړ نورو موضوعاتو په اړه خبرې وشوې.
ویل شوي، چې اروپایي استازي کابل کې د سیمه ییزې همکارۍ د ابتکار په نوم ناسته بریالۍ ګڼلې او طالب وزیر ته یې مبارکي ویلې او طالب وزیر د سیمې په ګډون ټولو هېوادونو سره د مثبتو اړیکو ټینګار کړی.
د دوحې غونډې له نژدې کېدو سره، د افغانستان لپاره د ملګرو ملتونو ځانګړی همغږی کوونکی فریدون اوغلو هم کابل ته راغلی څو د دغې غونډې لپاره د طالبانو د استازو له ورتلو ډاډمن شي.
طالب چارواکي په دې اړه اعتراضونه لري، چې لا یې ملګري ملتونه په پخلاېنې نه دي توانېدلي.
د لاندې لېنکونو له کېکاږلو سره په دې تړاو بشپړ معلومات ترلاسه کولای شئ:
د دوحې غونډې په اړه کرزي سره د فریدون اوغلو لیدنه – تاند (taand.net)
د ملګرو ملتونو له ځانګړي استازي ټاکلو د فریدون اوغلو ننګه او په دې اړه یې توضیحات – تاند (taand.net)
د دوحې ناستې له ګډونوالو د حامد کرزي غوښتنه – تاند (taand.net)
په سیاسی علومو کې مثبت معنې لرونکی مفهوم او پراګماتیک عملکرد دی دافغان ولس په خاطر ددوحی ناسته وخت ، اهمېت او رسالت جدی رعایت کړی بېا دا وخت نه را ځی.