تاند (چار شنبه، د دلوې ۱۱مه) د امریکا متحدو ایالتونو له هغې وروسته چې د چین ولسمشر د طالبانو لخوا د معرفي شوي سفیر بلال کریمي باور لیک ومانه، په دې اړه اعتراض وکړ.
د دغه هېواد د بهرنیو چارو وزارت ویاند میتو میلر له چین څخه وغوشتل چې د طالبانو رژیم سره دې د خپلو اړېکو څرنګوالی او د رسیمت پېژندلو دریځ په ډاګه کړي.
مېلر زیاته کړې چې د چین حکومت راپورونه یې لیدلي چې د موضوع [د طالبانو د نه په رسمیت پېژندلو] برعکس دي.
د نومړي په وینا،له نړۍ سره د طالبانو د رژيم اړیکې د دوی کړنو پورې تړلې مساله ده.
امریکایي ویاند یو ځل بیا ټینګار کړی چې طالبان باید د افغان نجونو او ښځو حقونه خوندي او نړیوالو سره خپلې کړې ژمنې پوره کړي.
د چین ولسمشر پرون د څه باندې ۴۰ بهرنیو سفیرانو په ډله کې د طالبانو د سفیر باور لیک هم ومانه
به دې اړه نور دلته لوستلی شئ:
د چین ولسمشر د طالبانو د سفیر باور لیک ومانه – تاند (taand.net)
څو ورځې مخکې د روسیې د بهرنیو چارو وزیر سرګي لاوروف ټینګار وکړ چې هېواد به یې د طالبانو رژیم د دوی د ژمنو تر نه عملي کیدو په رسمیت ونه پېژني.
چینایي چارواکو د امریکا د ننني غبرګون په اړه څه نه دي ویلي، خو مخکې یې د طالبانو د رژیم د په رسمیت پېژندلو په اړه داسې ویلي وو:
د تفصیل لپاره دا لېنک پرانیستلی شئ:
چین د طالبانو حکومت په رسمیت پېژني؟ د دغه هیواد د ویاند ځواب – تاند (taand.net)