خبریال: داوود جبارخېل (سې شنبه، د تلې/ میزان ۷ مه) د پنجاب په مرکز لاهور کې یوې اذربایجانۍ ښځې ادعا کړې چې د درېیو کسانو له لوري پرې ډلهییز جنسي تېری شوی دی.
د پولیسو په وینا، د ښځې د شکایت پر بنسټ د پېښې په تړاو قضیه ثبت شوې او د شکمنو کسانو د پېژندلو او نیولو لپاره پلټنې روانې دي.
د پولیسو په وینا، ښځه د سوداګرۍ لپاره پاکستان ته تللې وه او ادعا یې کړې چې لومړی دوو ښځو له ځان سره یوې مېلمستیا ته بوتله، وروسته درې نارینهوو هغه په موټر کې له ځان سره یووړه او یوه نامعلوم اپارتمان ته یې ورسوله.
د ښځې په ادعا، په دغه ځای کې ورته د نشهيي موادو په څېر یوه ماده ورکړل شوه چې له امله یې بېهوښه شوه او په همدې حالت کې پرې جنسي تېری وشو.
پولیس وايي، د پېښې په اړه تحقیقات روان دي او د شکمنو کسانو د نیولو هڅې کېږي.
وروستي راپورونه وايي، د پېښې په تړاو یو مشکوک کس نیول شوی او څو نور کسان د احتمالي همکارۍ په شک تر پوښتنو لاندې دي. پولیس وايي، د نورو شکمنو کسانو د نیولو هڅې هم روانې دي.
د قضیې پلټنه روانه ده او وروستۍ پرېکړه به د تحقیقاتو او عدلي بهیر له بشپړېدو وروسته کېږي.
تر اوسه د قضیې وروستۍ پایله نه ده معلومه او د تورونو په اړه به پرېکړه د تحقیقاتو او عدلي بهیر له بشپړېدو وروسته کېږي.
په پاکستان په تېره بیا لاهور کې تر دې وړاندې هم په ځلونو پر بهرنیو ښځو د جنسي تېري راپورونه پاکستاني رسنیو خپاره کړي دي.
پاکستان کې د ښځو پر وړاندې د تاوتریخوالي پېښې؛ د کورني فشار او «ناموس» په اړه اندېښنې – تاند