تاند( دوشنبه د مرغومي ـ جدي ۲۲مه) د هند د ملي لوبډلې مشهور توپ وهونکی ویرات کولي د پخواني هندي کرکټ ستوري سچن ټنډولکر یو بل ریکارډ هم مات کړ.
ویرات کولي په نړیوال کرکټ کې د ۲۸۰۰۰ منډو جوړولو تر ټولو چټک توپ وهونکی شو.
هغه دا لاسته راوړنه پرون د یکشنبې په ورځ د نیوزلینډ پر وړاندې د یو ورځنیو سیالیو په لومړۍ لوبه کې ترلاسه کړه.
کولي په دغو لوبو کې د ۹۳ منډو غوره پاڼۍ وکړه او همدا پانۍ د تنډولکر نه د مخکې تګ لامل شو.
ویرات کولي په ۶۲۴ نړیوالو پاڼیو کې د ۲۸۰۰۰ منډو هدف پوره کړ او تر سچن مخکې شو
تر کولي وړاندې دا ریکارډ د سچن ټنډولکر سره و.
هغه په ۶۴۴ اننګزونو کې ۲۸۰۰۰ منډې بشپړې کړې وې خو کولي تر سچن په کمو لوبو کې دا هدف پوره کړ.