تاند (یکشنبه، د لړم/ عقرب ۲۴ مه) د اسیا تر نولس کلونو د کشرو لوبډلو په پایلوبه کې د هند لوبډلې په یوه هیجاني سیالۍ کې پاکستان ته ماتې ورکړه او د اسیا د اتلولۍ جام یې وګوټ.
لومړی پاکستاني لوبډلې توپوهنه وکړه او تر توقع ډېرې منډې یې وکړې. دوی هند ته د ۳۳۸ منډو هدف په داسي حال کې وټاکه چې ۹ لوبغاړي یې سوځېدلې وو.
د پاکستان پیلګر لوبغاړي عثمان خان بیا هم ښه لوبه وکړه او ۱۰۷ منډې یې وکړې. همداراز عبدالقادر ۸۰ منډې وکړې.
د هند نور لوبغاړي ژر ژر وسوځېدل او تر ډېرو داسي ښکارېده چې د هند لپاره د منډو اوسط (رنز رېټ) مخ په زیاتېدو دی او پاکستان د لوبې حتمي ګټونکی دی. ځکه د هند اصلي باولران ژر وسوځېدل. خو هند په داسي حال کې چې ۹ لوبغاړي یې سوځېدلي وو او یوازې یو توپ ورته پاتې و، په یوې څلوریزې لوبه د ځان په ګټه پای ته ورسوله.