تاند ( دوشنبه د لیندۍ ـ قوس ۳مه) د افغانستان بهرنیو چارو وزارت د اقتصادي اړیکو رئیس شفیع اعظم د هند د ټوکر ټکسټایل وزارت له مسولینو سره کتلي.
افغانستان کې د طالبانو د صنعت او سوداګرۍ وزارت د خبر په بنسټ، ناسته کې د افغانستان او هند تر منځ د اقتصادي او صنعتي همکاریو پر پراخېدو، دواړو خواوو د پنبې د تولید او پروسس، د بشري ظرفیت لوړونې، د صنایعو د معیاري کولو، او د ټوکر او جامو سکتور د عصري کولو په برخو کې په فرصتونه خبرې وکړې.
یاد وزارت لیکلي، ناسته کې هندي لوري افغانستان رسماً دعوت کړ چې د «بهارت ټیکس» تر نامه لاندې نندارتون کې ګډون وکړي او خپل تولیدات نندارې ته وړاندې کړي.
پای کې دواړو خواوو هوکړه کړې، چې د موضوعاتو د تعقیب لپاره به ګډه تخنیکي کمېټه جوړوي، څو د افغانستان او هند تر منځ د پنبې او ټوکر په برخه کې د همکارۍ لپاره مشخص پلانونه جوړ کړي.