تاند ( دوشنبه د لیندۍ ـ قوس ۳مه) ننګرهار کې د طالبانو وادي کرنیز شرکت مسوولانو ویلي، چې د هډې فارم په عبدالخېلو بلاک کې، پر ۵۰۰ جریبه ځمکه د مالټو باغونه حاصل ته رسېدلي دي.
د طالبانو اړوند دولتي شرکتونو لوی ریاست لیکلي، دغه اندازه ځمکه د ډېرې مودې وروسته بېرته اباده شوې، چې په ۲۰ جریبه ځمکه کې لیمو او په سلګونو جریبه کې، نور کرنیز فصلونه هم کرل شوي.
د ننګرهار وادي کرنیز شرکت مسوولان وایي، د هډې فارم د عبدالخېلو بلاک، د منظمو تفریحي ځایونو سړکونو او چمنونو په درلودو یادې سیمې ته ځانګړې ښکلا ورکړې.
چارواکي زیاتويی چې د یادو باغونو له برکته د سیمې اقتصادي ارزښت لوړ شوی، شنې ساحې پراخې شوي او لسګونو هېوادوالو ته پکې د کار زمينه هم برابره شوې ده.
سره له دې چې حاصل رسېدلی خو لاهم د اټکل شویو حاصلاتو په اړه مسوولانو څه نه دي ویلي.