تاند (دوشنبه د تلې ـ میزان ۲۸مه) د طالبانو د حکومت تر کنټرول لاندې د افغانستان بانک وایي، ډېر ژر به یو شمېر سوداګریزو بانکونو ته د بشپړې اسلامي بانکوالۍ جوازونه ورکړل شي.
د یاد بانک مرستیال صدیقالله خالد وایي، د هېواد بانکي سکتور د اسلامي کېدو په بشپړ بهیر کې داخل شوی او بانکونه به د اسلامي مالي محصولاتو د تنوع وړاندې کولو له لارې خلکو ته غوره خدمتونه وړاندې کړي.
نوموړي د سوداګریزو بانکونو له رئیسانو سره په ګډه ناسته کې د کارکوونکو ظرفیت لوړولو او برېښنایي بانکوالۍ پر ودې ټینګار کړی.
بل لورته بیا د اقتصادي شنونکو په باور دغه ګام به هېواد کې د اسلامي بانکوالۍ پروسې قانوني کېدو او له دې لارې د بانکي سیسټم د روڼتیا لامل کېدای شي.