Homeخبرونههندي پلار خپل ۱۵ کلن زوی ته د ښو نومرو په بدل...

هندي پلار خپل ۱۵ کلن زوی ته د ښو نومرو په بدل کې د ۲۳ میلیونه روپیو موټر ډالۍ کړ

تاند (سې شنبه، د لړم/ عقرب ۲۶ مه) د هند په لوېدیځ بنګال ایالت کې یوه سوداګر خپل ۱۵ کلن زوی ته د نهم ټولګي په ازموینو کې د ښو نومرو د ترلاسه کولو په بدل کې د بي‌اېم‌وې (BMW) لوکس موټر ډالۍ کړی دی.

د هندي رسنیو د راپورونو له مخې، د ختیځ بردوان ولسوالۍ اوسېدونکي سوداګر شمس‌الدین مدیا خپل زوی محمد طلحه ته په زده کړو کې د ښو پایلو له امله د بي‌اېم‌وې «اېم ۴ کمپیټیشن» موټر اخیستی دی.

محمد طلحه د نهم ټولګي زده‌کوونکی دی او په نیم‌کلنیو ازموینو کې یې ښې نومرې ترلاسه کړې وې.

د راپورونو له مخې، طلحه له ډېرې مودې راهیسې د دغه موټر د لرلو هیله درلوده. پلار یې د زوی د هیلې د پوره کولو لپاره ممبۍ ته ولاړ او دا ګران‌بیه موټر یې واخیست. موټر وروسته په یوه ځانګړي کانتینر کې د دوی پلرني ټاټوبي ته ولېږدول شو.

خو په زړه پورې دا ده چې ۱۵ کلن طلحه اوس مهال خپله نوی موټر نه شي چلولی؛ ځکه د هند د قوانینو له مخې، په دې عمر کې د موټر چلولو لایسنس نه ورکول کېږي. نوموړي ویلي چې اوس به له خپل پلار سره په دغه موټر کې ګرځي.

که څه هم ځیني شتمن درس ته د خپلو ماشومانو د تشویقولو لپاره هغوی ته قیمتي سوغاتونه اخلي خو ځینې متخصصان وايي چې دا ډول سوغاتونه یا په حقیقت کې رشوتونه سبب کېږي چې ماشوم درس د درس لپاره نه بلکې د تحفې لپاره ولولي. دوی دا هم وايي چې که د نهم ټولګي د ازموینې لپاره بي ایم ډبلیو ورته اخیستل کېږي، د پوهنتون د ازموینو لپاره به بې ایم ډبلیو ورته بې ارزښته وي، الوتکه به غواړي او له پوهنتونه له فراغت وروسته به الوتکه هم ورته بې معنا وي.

په هند کې دې غیرمعمولي ډالۍ په ټولنیزو رسنیو کې هم د خلکو پام ځان ته اړولی او ګڼو کاروونکو په دومره کم عمر کې د دومره ګران‌بیه موټر په ډالۍ ترلاسه کولو حیرانتیا څرګنده کړې ده.

LEAVE A REPLY

Please enter your comment!
Please enter your name here

ادب

د سیتارام ژوند لیک او یو یاداښت| ذبیح الله شفق

د سیتارام ژوند لیک پر افغانستان د انګرېزانو د یرغل ۱۸۳۹ - ۱۸۴۲م په باب یو تاریخي کتابګوټی دی چي لومړی ځل په ۱۳۷۹...