تاند『پنجشنبه د چنګاښ ـ سرطان ۱۲مه』د طالبانو د حکومت رییسالوزراء اقتصادي مرستیال، ملا عبدالغني برادر د اذربایجان په خنکندي ښار کې د ازبکستان له ولسمشر، شوکت میرضیایف سره ولیدل.
د طالبانو د ریاست الوزرا اقتصادي معاونیت په یوه خبرپاڼه کې ویلي، چې دواړو لورو د اوسپنې پټلۍ، سوداګرۍ، برېښنا او پر ټرانزیټ خبرې وکړې.
ملا عبدالغني برادر په دې لیدنه کې زیاته کړه چې، د دواړو هېوادونو ترمنځ سوداګري له ۱ میلیارد ډالرو اوښتې چې ۶۰٪ زیاتوالی ښيي.
هغه هیله وښوده چې دا کچه به ۲ میلیاردو ته ورسېږي.
نوموړي دغه راز د صادراتو، زېربناو او پانګونې په برخه کې د ګډ کار غوښتنه وکړه.
بل لورته میرضیایف د برېښنا، نساجۍ، سیمټو، کانونو او برېښنایي حکومتولۍ په برخو کې د پانګونې ژمنه وکړه.
د یادونې ده چې ملا برادر پرون چهارشنبه د اذربایجان له لومړي وزیر سره د دوه اړخیزه اړیکو پر پراختیا خبرې کړې وې.
ملابرادر د اذربایجان له لومړي وزیر سره د اړیکو پر پراختیاخبرې کړي