تاند『پنجشنبه د چنګاښ ـ سرطان ۱۲مه』د طالبانو د بهرنیو چارو سرپرست وزیر، امیر خان متقي د روسيې له سفير، دیمیتري ژیرنوف سره وکتل.
د بهرنیو چارو وزارت په یوه خبرپاڼه کې ویلي، چې د روسيې سفیر په دغه کتنه کې د روسیې د حکومت هغه پرېکړه رسماً ابلاغ کړه چې پر بنسټ يې روسيه د طالبانو حکومت په رسمیت پېژني.
سفیر د دغې پرېکړې ارزښت یاد کړ او دا یې د افغانستان او روسیې ترمنځ د اړیکو د پیاوړتیا لپاره تاریخي ګام وباله.
د طالبانو د بهرنیو چارو سرپرست وزیر د روسیې د دغې پرېکړې هر کلی وکړ او دا یې د دواړو هېوادونو تر منځ د مثبتو اړیکو، متقابل درناوي او رغېدونکي تعامل نوی پړاو وباله.
پر افغانستان د طالبانو له حاکمیت کابو څلور کاله پوره کېدونکي دي، او روسیه لومړنی هېواد دی چې طالبان په رسمیت پېژني.
روسیه داسې مهال د طالبانو حکومت په رسمیت پېژني، چې د چارو د څارونکو په باور لاهم طالبانو د افغان نجونو حقونه تر پښو لاندې کړي دي.
روسیې رسما په دې تړاو اعلان نه دی کړی.
الحمد لله ډیر ښه خبر می تر لاسه کړ
دا دَ افغانستان دَ کړیدلی ولس دَ نیکمرغی پیل دی سر لوړی او غښتلی دی وی لوی افغانستان
دافغانستان خلکوکې لکه چې ښځېنه نه راځي چې دتاليب په واکداري کې د ټولو شرعي او مدني حقوقو څخه محرومې شوې دي آيا دا پيژندنه دهغوې دنيکمرغې پيل هم دي؟