تاند【پنجشنبه د غبرګولي ـ جوزا ۸مه】په کشمير کې د پاکستاني پوليسو او وسله والو ترمنځ نښته شوې.
پاکستاني رسنۍ وایي،چې په پايله کې يې د دواړو لوريو شپږ تنه وژل شوي او پنځه نور ټپيان شوي دي.
د پاکستانۍ ډان ورځپاڼې د راپور له مخې، ياده نښته د کشمير راولاکوټ ښار په حسين کوټ سيمه کې هغه مهال شوې، چې پوليسو د وسله والو پر وړاندې عمليات پيل کړل.
سرچینې دواړه لورو ته د اوښتې مرګ ژوبلې په اړه کره څه نه دي ویلي، چې کوم لوري زیات زیان لیدلی.
ويلکېږي، دې پېښې د يوه ملکي وګړي ژوند هم اخيستی دی.
دغه نښته داسې مهال کېږي، چې د پاکستان او هند ترمنځ د کشمیر په تړاو سخت کړکېچ رامنځته شوی و، چې ان پر یو بل یې هوایي بریدونه هم وکړل.