تاند【پنجشنبه د غبرګولي ـ جوزا ۸مه】د بلوچستان په بولان سیمه کې د یوه مسافر وړونکي بس اوښتو پېښه کې ۳۶ کسانو ته مرګ ژوبله اوښتې ده.
پاکستاني رسنۍ وایي، چې پېښه کې ۴ کسان مړه شوي او ۳۲ نور ژوبل شوي دي.
بل لورته د پاکستان ایالتي روغتیايي چارواکو د یو شمېر ټپیانو وضعیت نازک ښودلی دی.
د معلوماتو له مخې پېښه هغه مهال رامنځته شوه،کله چې مسافر وړونکی بس بې واکه او یوې درې ته ولوېد.
د پېښې لامل لا نه دی معلوم، خو د باور دا دی چې دا ډول پېښې ډېری وخت د موټر چلوونکي د بې احتیاطۍ له امله رامنځته کېږي.