تاند【پنجشنبه د غبرګولي ـ جوزا ۸مه】د سپینې ماڼۍ یوه چارواکي رویټرز ته د ډانلډ ټرمپ له حکومته د ایلن ماسک د وتلو خبر تایید کړ.
دغه چارواکي زیاته کړې چې هغه به په ځایي وخت له نن (پنجشنبه) شپې د خپلو وتلو بهیر پیل کړي.
ایلن ماسک هم پر خپله اېکس پاڼه له ولسمشر ټرمپ مننه کړې ده.
ماسک ویلي چې د دولت د ځانګړي کارکوونکي په توګه یې دنده پایته رسېدلې.
یوې باوري سرچینې رویټرز ته ویلي چې ماسک د وتلو پر مهال له ټرمپ سره نه دي کتلي او دغه پرېکړه د نورو لوړپوړو کارکوونکو په کچه شوې ده.
امریکایي میلیاردر ایلن ماسک د ډونالډ ترمپ له بیا ولسمشر کېدو سره سم د امریکا په حکومت کې د دولت د موثریت څانګې مشر وټاکل شو.