تاند【دوشنبه د ثور ـ غویي ۸مه】د امریکا او ایران ترمنځ د خبرو په درشل کې، د اسراييلو لومړي وزیر بنیامین نتنیاهو ویلي چې، د ایران ټول اټومي پروګرام باید له منځه یوړل شي.
رویټرز خبري اژانس په یوه راپور کې زیاته کړې چې، نتنیاهو د تېرې یکشنبې په ورځ یو ځل بیا پر دې ټینګار کړی چې باید د ایران ټول اټومي تاسیسات له منځه یوړل شي او دغه پروګرام و درول شي.
دا په داسې حال کې ده چې واشنګټن او تهران اټومي هوکړې ته د رسېدو په موخه په خبرو بوخت دي.
ایراني چارواکو تر اوسه په دې اړه څه غبرګون نه دی ښودلی.
د یادونې ده چې د امریکا او ایران ترمنځ د کړکیچ د پای ته رسېدو په پار د دواړو هېوادونو ترمنځ تر دې دمه، د عمان په منځګړیتوب درې پړاوه نامستقیمې خبرې شوي دي.
د ایران د بندرعباس په چاودنه کې د مرګ ژوبلې شمېر تر ۱۲۰۰ پورته شو