تاند【جمعه د ثور ـ غویي ۵مه】پاکستاني رسنیو راپور ورکړی، چې د بلوچستان په کلات کې د سړک غاړې بم چاودنې له امله د جمعيت علمای اسلام ګوند د یو مشر په ګډون درې کسان وژل شوي دي.
د یاد ګوند مشري مولانا فضل الرحمن کوي.
د بلوچستان چارواکو ویلي، چې دغې بمي چاودنه کې ۵تنه نور ټپيان شوي دي.
که څه هم د دغه برید مسوولیت کومې ډلې نه دی منلی، خو له دې وړاندې پاکستان مولانا فضل الرحمن ته پرده د احتمالي برید خبرداری ورکړی دی.
له دې وړاندې هم د پاکستان جمعیت علمای اسلام ګوند یو شمېر غړي په چاودنو او بریدونو کې په نښه او وژل شوي دي.
د معلوماتو له مخې، روان میلادي کال پاکستان د نړیوالې ترهګرۍ برخه کې دویم ځای خپل کړی، چې د تېر کال په پرتله د بریدونو له امله د وژل شویو کسانو کچه ۴۵ سلنه زیاته شوې ده.
تازه یې له هند سره هم د کشمیر د پېښې پر سر کړکیچ زیات شوی او دواړه لوري له یو بل د غچ اخیستو چمتووالی نیسي.
زما په نظر دا کار د پاکستان استخباراتو کړی او بلوڅ بیلتون پال غورځنګ د پاکستان پوځ کسانو باندې تل برید کوی او دا ډول بریدونه لکه په مولوی شاکر او حقانیه مدرسی مهتمم باندې او فضل الرحمن دګوند په غړو یی کړي پدې کې د پاکستان پوځ او استخباراتو ISI لاس ده