د افغانستان پېښليګ | حاجي ولي‌محمد

ښاغلي حاجي صاحب محمد ولي خان ته خپل احترامات وړاندې کوم!
د شهید سردار محمد داود خان د کودتا په اړه ستاسو د څېړنو معلومات بشپړ نه دي. له بده مرغه ښاغلی محتاط ځان د کودتا مخکښ ګڼي او خپله نسخه وړاندې کوي، ښاغلی محمد حسن شرق بیا خپل وېرشن لري او ښاغلی پاچا ګل بیا خپلې خبرې کوي، خو ريښتیاپکې ستونزمن دي.
تاسو لیکلي چې سردار داود د ژورنالیست په ځواب کې ویلي ول، چې ګواکې ۴ تنه منصبداران په ناڅاپي بڼه په ډزو ویشتل شوي او د زرمتي ټانک د کابل رود اوبو ته ورلوېدلی وو، چې عاقبت مرګ شو! نو څنګه ویل شو چې په کودتا کې مړینې نه دي شوي او وینې نه دي توېې شوې؟
د ۱۳۵۲ د سرطان په ۲۶ کودتا وشوه، مګر د کودتا خبر لیا څو اونۍ مخکې د پولیسو ړ ژاندرمو د عمومي قوماندان جنرال مرحوم شهید سید عبدالغنی لخوا سردار ولي ته ورکړ شوی وو. سردار ولي د خپل ضدیت پر بنسټ جنرال غني ته ویلي ول، چې زموږ د کورنیو په چارو کې مداخله مه کوه، یردتر داود زموږ فامیل دی او دا زموږ کورني مسایل دي.
د کودتا په شپه جنرال غني مقاومت وکړ، کور یې محاصره شړ، ډزې وشوې، د ګراج دروازه یې په راکټ وویشتل شوه او پر کور یې چورلکه تاوېدله او د بمباري ګواښونه یې ورته کول. جنرا غني د مرحوم جنرال قمبر ناصري زغرده والو ځواکونو د مقاومت امر کړی وو، د سهار تر اوو بجو جنرال غني په یوازې سر مقاومت وکړ! د جنرال غني مقاومت ګام پر ګام د بي بي یي لخوا تر سهاره خپرېدو! سهار وختي د سبمې قومي مشران د جنرال غني کور ته ورغلل، چې متقاعد جنرال غلام حسن خان، جګړن عارف خان، ډګروال خلیل خان، مدیر صاحب سید عبداحد خان، مرحوم سید ملا محمد جان خان او شمېر نورو په ګډون ورغلل او وساتط یې وکړ، چې له مقاومته لاس واخلي او په توره ملکي درېشي کې له کوره راووت او په ډېر درنښت له کودتاچیانو سره ولاړ، چې کودتاچیانو یې لاسونه ورمچې کول!
د جنرال قمبر قواوې د ورځې په یوه بجې راورسېدلې، مګر د مقاومت د قوماندې لپاره څوک نه وو، ځکه چنرال غني و نه شوی کولی په يوازې سر مقاومت وکړي! جنرال غني د ۱۳۵۶ کال تر پایه د دادود خان په واکمني کې سیاسي بندي پاتې شوو، خو د ثور کودتا نه وروسته کمونیستانو په شهادت ورسړل، چې په (لست ۵۰۰۰) کې نوم لیکل شو دی. وسلام

مرحوم جنرال قمبر د مهتاب قلا د نظامي ځواکونو قوماندان وو.