تاند ( سه شنبه د مرغومي ـ جدي ۴مه) د طالبانو د حکومت د کليو بیارغونې او پراختیا وزارت په فراه ولایت کې د شاوخوا ۲ میلیارده افغانیو په لګښت د کچ صمد ستر بند د تحقیقاتي چارو د پیل خبر ورکړ.
د معلوماتو له مخې د فراه کج صمد بند د ۵۶متره په لوړوالي د ۱۴۰ میلیون متره مکعب اوبو د ذخیره کولو ظرفیت لري.
مسوولان وایي دغه بند چې د فراه او نیمروز ولایتونو په لویه وچه کې موقعیت لري د دې وچې د بې اوبو سیمو لپاره حیاتي ارزښت لري.
یاد وزارت زیاتوي، چې د دې بند په بشپړېدو سره به ۱۴ زره هکټاره ځمکه هم خړوبه شي.
د دغې بند د تحقیقاتې چارې داسې مهال پیلیږې، چې دا مهال فراه کې د بخش اباد بند د جوړولو چارې هم په چټکۍ سره دوام لري.