تاند ( شنبه د جدي لومړۍ) د امریکا د بهرنیو چارو وزیر انتونيو بلېنکن د طالبانو له حکومته غوښتي،چې د افغان نجونو پر زده کړو او کار بندیز ژر ختم کړي.
نوموړي د پوهنتونونو پر پرانیستلو ټینګار کړی دی.
بلېنکن پر خپله ایکسپانږڼه لیکلي، ” یو باثباته، سوله ییز او سوکاله افغانستان ته د رسېدو لپاره افغان ښځې او نجونې اصلي لامل دی.”
دا غوښتنه داسې مهال کېږي، چې کابو درې نیم کاله کېږي، چې د افغان نجونو پرمخ د کار او زده کړو دروازې د طالبانو له خوا بندې شوي.
تازه یې یوه میاشت وړاندې د طبي نیمه زده کړو دروازې هم پر افغان نجونو وتړلې.
بل لورته د افغان ښځو ملاتړ برخه کې د امریکا متحده ایالاتو ځانګړې استازې رینا امیري ویلي، چې افغان نارینه باید په کور دننه او د باندې د خپلو خویندو، لوڼو او میرمنو د هیلو د پوره کېدو لپاره د دوی ترڅنګ ودرېږي.
کلونه کېږي، چې له طالبانو دا ډول غوښتنې کېږي، خو دوی یې پر وړاندې مثبت ځواب نه وایي.