تاند (یکشنبه، د سنبلې ۱۱ مه) ټاکل شوې چې د پښتو غوره شعرونو لپاره د جنید جایزې په نژدې راتلونکي کې اعلان شي.
د جنید کلنۍ جایزې د هېواد د مخکښ شاعر او لیکوال ډاکټر جنید شریف د بنسټ په نوښت له تېرو دریو کلونو راهیسې پښتو غوره شعرونو ته ورکول کېږي.
د جنید د ۱۴۰۲ کال د غوره شعر لومړۍ جایزې ملالې کلیوالې او نسیم ایثار وګټلې. کشمیر اندړ، عارف روان، ځولۍ لمن او شېبه ګهیځ یې نور ګټونکي وو.
همداراز د کال د فوق العاده شاعر جایزه د هېواد لوی شاعر پیرمحمد کاروان ته ورکړل شوه.
د جنید د شعر په جایزو کې ښځینه او نارینه شاعران/ شاعرانې په څو کټګوریو کې د سیالۍ له لارې ګډون کوي.
په افغانستان کې د شعري استعدادنو د هڅونې لپاره دغه مهمه جایزه له تېرو دریو کلونو راهیسې د هېواد د پښتو ژبې ځوانو شاعرانو ته ورکول کېږي.
د یادولو ده چې جنید بنسټ د شعري سیالۍ پر جایزو سربېره د پښتو ادب او فرهنګ یوه مشر او غوره خدمتګار ته هم هر کال یوه فوق العاده جایزه ورکوي. د جنید بنسټ په قول، د ادب او فرهنګ یو غوره خدمتګار ته د روان کال فوق العاده جایزه به لږ وروسته اعلان شي.