یکشنبه, جون 16, 2024
Homeخبرونهاقتصادي خبرونهافغانستان په یوه کال کې د ۱۰،۳ میلیارد ډالرو واردات او صادرات...

افغانستان په یوه کال کې د ۱۰،۳ میلیارد ډالرو واردات او صادرات کړي

تاند(چهارشنبه، د ثور ۲۶ مه) د افغانستان د معلوماتو او ملي احصایې اداره وايي چې تېر کال افغانستان د ۱۰ میلیارده او ۳۰۰ میلیون ډالرو په ارزښت واردات او صادرات کړي دي.

دې ادارې، نن (چهارشنبې) وویل چې افغانستان په یوه کال کې د یو اعشاریه ۷۷ میلیارد ډالرو په ارزښت صادرات او د ۸ میلیارده او ۵۷۶ میلیون ډالرو واردات لرلي دي.

د معلوماتو او احصایې د ملي ادارې پر اساس، افغانستان د ۶۴۵ میلیونه او ۵۰۰ زره ډالرو مېوه صادره کړې. ورپسې طبي بوټي، کاني مواد او سبزیجات ډېر صادر کړي دي.

خو په وارداتو کې د افغانستان ډېرې پیسې؛ یعني ۱ اعشاریه ۳۷۷ میلیارد ډالره په تېلو او تیلي موادو لګېدلي، ورپسې ماشین الات، ترانسپورتي وسایل او غله د افغانستان عمده وارداتي اقلام دي.

د راپور له مخې، افغانستان ډېر صادرات، پاکستان، ایران، هند او متحده عربي اماراتو ته کړي.

تر دې مخکې نړیوال بانک په ۲۰۲۳ م کال کې د افغانستان صادرات یو میلیارد او ۹۰۰ میلیون ډالره او واردات ۷ میلیارده او ۸۰۰ میلیون ډالره بللي وو.

LEAVE A REPLY

Please enter your comment!
Please enter your name here

- Advertisment -

ادب