تاند ( ۴ شنبه، د ثور ۲۶مه) په غور کې د طالبانو سیمه ییزو چارواکو ویلي، چې په فیروز کوه ښار کې د دوی د یوې چورلکې د سقوط له امله یو تن وژل شوی او ۱۲ نور ټپيان دي.
د طالبانو د والي ویاند عبدالواحد حماس ویلي، چې دغه چورلکه د فېروز کوه دره قاضي سیمې ته د دې لپاره تله، چې سیند ته د یوه لوېدلي موټر سپرلۍ را وباسي.
سرچینه زیاتوي، چې سېند ته د موټر لوېدو دغه پېښه کې دوه تنه مړه او یو بل ټپي شوی و.
یاد شوی موټر هرېرود سېند ته لوېدلی و.
حماس نه دي ویلي، چې د چورلکې د سقوط پېښه کې وژل شوی او ټپي شوي کسان په مشخص ډول څوک دي؟
په وروستیو کې افغانستان د خونړیو طبیعي پېښو شاهد دی.
طالب چارواکو د دغو پېښو قربانیانو او زیانمنو ته د رسیده ګۍ لپاره هوایي ځواک نه هم استفاده کوي، چې دا کار یې هرکلي سره هم مخ شوی.
زه فکر کوم چې چورلکه لفظ سم نه دی، څرخکه سم دی. چورلکه داسې یوه شي ته وایي لکه لاټو چې په خپل ځای چورلي. څرخکه چې د الوتکې یو ډول دی، داسې وسیله ده چې څرخ لري او د څرخ د څرخېدلو په زور الوځي.