تاند(دوشنبه، د ثور ۱۷ مه) د پاکستان د کرکټ بورډ مشر اعلان وکړ چې که د دغه هیواد د کرکټ ملي لوبډله د نړیوال شل اوره جام اتلولي وګټله، هر لوبغاړي ته به یولک امریکايی ډالر جایزه ورکړي.
د پاکستان د کرکټ بورډ رييس محسن نقوي دا اعلان پرون (یکشنبې) له لوبغاړو سره د کتنې په ترڅ کې وکړ.
ټاکل شوې ده چې د راتلونکي جون په دوهمه نېټه د نړیوال شل اوره جام سیالۍ د امریکا او ویست انډیز په کوربه توب پیل او د جون په ۲۹ مه پای ته ورسیږي.
د پاکستان د کرکټ بورډ رييس لوبغاړو ته په خبرو کې وویل چې له هغوی څخه هیله لري چې پوره هڅه به وکړي چې نړیوال جام خپل کړي.
له ۲۰۰۷ م کال راهیسي، چې د نړیوال شل اوره جام سیالۍ پیل شوي، پاکستان تراوسه یو ځل پایلوبه ګټلې او د ۲۰۰۹ کال جام یې ګټلی دی.
دغه هیواد د ۲۰۲۲ په نړیوال جام کې پایلوبې ته ووت خو د اتلولي کپ د انګلیستان په برخه شو.
د ۲۰۲۴ په نړیوال شل اوره جام سیالیو کې ۲۰ لوبډلې برخه لري.
د سږ کال د نړیوال شل اوره جام په لړ کې د افغانستان لومړۍ مسابقه به د جون په څلورمه له یوګنډا سره وي. او پاکستان به د جون په ۹ مه له هند سره مخامخ شي.
بالآخره افغانستان ( حد اقل د ورزش په برخه کی ) د انګریز په خبیثه منظومه کی د یوې سپېرې سیارې پتوګه غړیتوب تر لاسه کړ.