خبریال: داودجبارخیل
د سندرغاړي ممتاز ولي افغان جنازه د دوشنبې په سهار ١١ بجې د پېښور د اخون درويزه په هدیزه کې خاورته وسپارل شوه.
د ممتاز ړلي د جنازې په مراسمو کې د پښتونخوا دوه سندرغاړو ګدون کړي وو.
د وتلي هنرمند استاد شاه ولي افغان زوی استاد ممتاز ولي افغان د یکشنبی په ورځ په پېښور کې د تل لپاره د 45 کالو په عمر مخه ښه وګړه ارواښاد له يوې اوږدې مودې راهسې د سرطان یا کينسر په مرګونې ناروغۍ اخته و.
د جنازې په مراسمو کې د پښتونخوا دوو سندرغاړو راشد احمد خان يوسفزى او د خيال محمد استاد کشر زوی شهزاد خيال ګدون کړي وو.
ممتاز ولي افغان یو لوی موسیقار و او پښتو موسیقۍ ته یې ډیر خدمت کړی و.
ممتاز ولي افغان د خپل پلار غوندې په موسیقۍ کې ځان ته ښه نوم درلود، او د سندرو ویلو ترڅنګ یې د سندرو لپاره کمپوزونه هم جوږړول او د موسیقۍ استاد بلل کېده.
د ممتاز ولي افغان پلار استاد شاه ولي افغان په اتیایمه لسیزه کې له افغانستان څخه د خېبر جمرود سیمې ته ګډه شوی و، وروسته کاناډا ته ولاړ خو ممتاز ولي افغان په پېښور کې پاتې شو.