تاند (چهارشنبه، د عقرب ۱۰ مه) د بلخ ولایت د بلخ ولسوالۍ په چهارسرکه سیمه کې تېره شپه د طالبانو د ځواکونو او داعش وسله والو ترمنځ نښته شوې ده.
د بلخ د امنیې قومندانۍ لپاره د طالبانو ویاند آصف وزیري ویلي چې په دې نښته کې د ۲ بهرنیانو په ګډون د داعش ډلې ۳ وسله وال وژل شوي او یو شمېر وسلې او مهمات یې د دوی د ځواکونو لاسته ورغلي دي.
سرچینې په دې تړاو نور جزییات نه دي ورکړي.
طالب چارواکي بیا- بیا د داعش ډلې د بشپړ ځپلو خبر ورکوي او وایي چې دا ډله نور افغانستان ته ګواښ نه ده.
له دې سره، بیا هم وخت پر وخت د داعش ډلې د بریدونو او فعالیتونو خبرونه ورکول کیږي.
د سیمې هېوادونه دا ډله د افغانستان او سیمې لپاره خطر بولي، خو طالبان په دې اړه اندېښنې نه تاییدوي.