(یکشنبه، د میزان ۱۶مه) د افغانستان د کرکټ نامتو لوبغاړي راشدخان د هرات د زلزلې له کبله د ګڼ شمېر افغانانو پر مړینې د ژور خپګان د څرګندولو ترڅنګ ویلي چې په نړیوال جام کې د فیس او جایزې په توګه ترلاسه کېدونکې پیسې د دې زلزلې قربانیانو ته ورکوي.
راشدخان پر خپلبه رسمي ایکسپاڼه کې لیکلي:«په ډېره خواشینۍ په لوېدیځو ولایتونو (هرات، فراه او بادغیس) کې د زلزلې له غموونکې نتیجې خبر شو. زه د کرکټ د نړیوال جام خپل فیس له زلزلو ځپلو سره مرستې ته ډالۍ کوم. ژر به د مرستې ټولولو یو کمپاین پیل کړو چې له اړو کسانو لاسنیوی پرې وکړو.»
I learned with great sadness about the tragic consequences of the earthquake that struck the western provinces (Herat, Farah, and Badghis) of Afghanistan.
I am donating all of my #CWC23 match fees to help the affected people.
Soon, we will be launching a fundraising campaign to… pic.twitter.com/dHAO1IGQlq— Rashid Khan (@rashidkhan_19) October 8, 2023
راشدخان تر دې وړاندې په ځلونو مرستې کړي او یا یې نور مرستو ته هڅولي. ده د پکتیکا له زلزله ځپلو سره هم مرسته کړې وه.
د هرات د پرونۍ زلزلې د مرګ ژوبلو شمېر په زیاتېدو دی.
له پېښو سره د مبارزې اداره وايي چې د دې سختې زلزلې له کبله، چې شدت یې د ریښتر په حساب ۶ اعشاریه ۲ درجې و، لږترلږه ۲ زره تنه مړه شوي دي.
د دې ادارې د ویندوی په وینا، زلزلې ۴۶۵ کورونه یومخ نړولي او ۱۳۵ نور یې زیانمن کړي دي.