تاند: (پنجشنبه، د زمري ۲۶ مه ) د سره صلیب نړیوال سازمان ویلي، چې ۲،۷ میلیون افغانان په سخته قحطۍ کې اېسار او بېړنیو مرستو ته اړ دي.
دغې ادراې په خپل تازه راپور کې ویلي، چې د افغانستان اقتصادي ناورین د وچکالۍ له زیاتیدو سره لا شدید شوی او د بدو پایلو وېره یې رامنځته کړې ده.
د طالبانو د اقتصاد وزارت مرستیال عبدالطیف نظري بیا نړیوال ګرم کړي، چې په وینا یې د دغه وضعیت د مقابلې لپاره یې اساسي مرستې نه دي کړي.
د طالبانو نور چارواکي په دې اړه ضدو نقیض غږیږي، چې د منتقدانو نیوکو سره مخ شوي.
د تېر لوی اختر د لمانځه پر مهال د طالبانو د ریاست الوزرا اقتصادي مرستیال ملا برادر ادعا وکړه، چې د اقتصادي ناورین په اړه مبالغه کیږي او لویدیز هېوادونه هڅه کوي، چې افغان ځوانان هېواد پرېښودو ته وهڅوي.
د طالبانو نور چارواکي بیا اقتصادي ناورین تاییدوي او له نړیوالو عاجلې مرستې غواړي.