استاد محمد معصوم هوتک ||
وای د عــــــــــقل پاچهي د اپلاتون وه
پاچهي د ســـرو او سپینو د قارون وه
دښایست تاج پرسرسوی دیوسف وو
دلیلادعشق جــــــوغه بیا دمجنون وه
پاچهي مو دادب به هــــــــــــــغه کړینه
که ئې ژبه خــــــــړه پـــــــړه د پښتون وه
چلولی چي قلــــــــــــم چا په پښتو وي
ماترجارکـــــړې که د نن که د پرون وه
سرغــــــــنه د نني ادب نن بار ســــــــــــو
په ماتم ئې قلــــــموال سر پر زنگون وه
ډېرالفاظ مي کښته پورته کـــــړل څوپوه سوم
په دې بیت کي ئې نېټه درج د بېلـــــــــــــتون وه
سر او پښې د” زندگۍ” کې پرې سول ،بیاهم
” پاچــــــــــــهي د هـــــــــــنري نــــــثر د شپون وه”
حل : د وروستي نیم بیتي ابجدي ارزښت (۱۴۱۳) کېږي. له دغه عدد څخه چي د(زندگۍ) سر او پښې،یعني (ز،ی = ۱۷) د ” پرې سول” په قرینه منفي سي،د ارواښاد شپون د مړیني کال (۱۳۹۶ش) لاس ته راځي.