تاند:( پنجشبه ، د جوزا ۱۸ مه ) له بدخشان څخه راپورونه وایي، چې د دغه ولایت لپاره د طالبانو د وژل شوي سرپرست والي مولوي نثار احمد احمدي د فاتحې پر مراسمو چاودنه شوې ده.
سیمه ییزو سرچینو ویلي، چې په دغه پېښه کې ګڼو کسانو ته مرګ ژوبله اوښتې ده.
طالب چارواکو دا پېښه تایید کړې، خو د مرګ ژوبلې کره شمېر یې نه دی په ډاګه کړی.
مولوي نثار احمدي، چې د بدخشان لپاره د طالبانو د رژیم سرپرست والي و، اوړمه ورځ د یوه ځانمرګي برید پر مهال د یاد شوي ولایت به مرکز کې ووژل شو.
د هغه د وژلو مسوولیت داعش ډلې پر غاړه اخیستی و.
د طالبانو له بیا واکمنیدو سره، د بلخ لپاره د دوی د والي مولوي داود مزمل له وژل کیدو وروسته، د مولوي احمدي وژل، د داعش له لوري د طالبانو د دویم والي وژل کیدل دي.
مخکې، په یوه بل برید کې، چې د وزیر اکبرخان پر روغتون ترسره شوی و، د مرکزي زون د قول اردو لپاره د طالبانو قومندان مولوي حمدالله وژل شوی و.
روسیه: امریکا افغانستان بې ثباته کوي، داعش او القاعده پکې پالي
https://taand.net/?p=225606
دا کار په اصل کې امریکا او بیا په ځانګړی ډول پاکستان کوی ځکه دا ډله امریکا، سعودی او برتانیی په مشترک ډول جوړه کړه ترڅو افغانان د آبادی او ښیرازی ورځی ونلري مګر دا ځوروني له ۴۵ کالو را پدیخوا د غرب او پاکستان او ایران او سعودی او فرانسی او جرمنی له لوری روان دی