تاند:( پنجشبه ، د جوزا ۱۸ مه ) نن سهار اته نيمې بجې د کابل – کندهار پر لويه لاره د زابل په پل سنګي سیمه کې د ۵۸۰ مسافر وړونکي بس او مازدا تر منځ ترافیکي پیښه کې ۹ تنه مړه شوي او ۳۱ نور ټپيان شوي دي.
ځایي چارواکو ویلي، چې ټپيان د زابل ولايتي روغتون ته لېږدول شوي او درملنه يې پيل شوې ده.
د پېښې دلیل نه دی روښانه، خو داسې پېښې له پخوا راهیسې پر دغه لویه لاره کیږي او خلک پکې موټر چلوونکي ملامت بولي.
د کابل – کندهار لویه لاره، د افغانستان له تر ټولو خونړیو لویو لارو څخه ده.
خلک پر حکومتي واکمنو هم نیوکه کوي، چې د لارې په اوږدو کې یې د لازمو ترافیکي تدابیرو او د موټر چلوونکو له نه نظارت سره د پېښو د مخنیوي تدابیر نه دي نیولي.