پنجشنبه, جولای 25, 2024
Homeخبرونهروسیه: امریکا افغانستان بې ثباته کوي، داعش او القاعده پکې پالي

روسیه: امریکا افغانستان بې ثباته کوي، داعش او القاعده پکې پالي

تاند:( سې شنبه ، د جوزا ۱۶ مه )   د روسیې د بهرنیو چارو وزیر سرګي لاروف په تاجیکستان کې د روسیې ۲۰۱ پوځي اډې ته د خپل سفر په ترڅ کې پر واشنګټن یو ځل بیا ځینې تورونه تکرار کړل.

نوموړي وویل:دا په یقیني ډول روښانه ده چې متحده ایالات په فعاله توګه د داعش، القاعده او په هغو پورې اړوندو نورو تروریستي جوړښتونو ملاتړ کوي او په افغانستان کې پاتې کیږي، ترڅو په دغه هیواد کې حالات ارام نه شي.

د روسیې د ډیپلوماټیکې دستګاه رهبري کوونکي ادعا وکړه، چې د امریکایی چارواکو عمده لومړیتوب په سیمه کې د ثبات کمزوري کول دي.

نوموړي په دې اړه د کوم سند یا مشخصې موضوع یادونه ونه کړه.

روسیې مخکې هم پر امریکا متحده ایالاتو ورته تورونه لګولي، خو امریکایي چارواکو رد کړي دي.

څه موده مخکې په تاجیکستان کې د امریکا سفیر مانویل میکلر وویل، امریکا د طالبانو پر وړاندې له تاوتریخوالي ډکې لارې نه مني او په افغانستان کې یې ټولو لورو ته د خبرو بلنه ورکړې.

1 COMMENT

  1. البته دا ادعا نه ده بلکه یو مسلّم حقیقت دی چی امریکائیان او انګریزان زموږ په سیمه کی د ویرانوونکو او شیطانی پلانونو د پلی کولو اِراده لری.

LEAVE A REPLY

Please enter your comment!
Please enter your name here

- Advertisment -

ادب