تاند:( چار شنبه، د جدي ۲۱) د ترکمنستان – هرات وارداتي برېښنا د تخنیکي عارضې له امله پرچاو شوې ده.
برېښنا شرکت وايي، چې ياده بريښنا تېره شپه د یاد ولایت رباط سنګي ولسوالۍ اړوند په بند بغرچر سیمه کې د مزي د شارټۍ له امله پرچاو شوه.
د سرچېنې د معلوماتو له مخې، تخنیکي ټیمونو د عارضې له رامنځته کېدو سره سم سیمې ته حرکت وکړ خو د سختو توپانونو او اورښتونو له امله دوی ونشوای کړای د ستونزې حل په موخه ځانونه سیمې ته ورسوي.
د بریښنا شرکت د معلوماتو له مخې،د یادې ستونزې تر حل کېدو پورې به د رباط سنګي ولسوالۍ او د هرات ښار نیمايي برخه له برېښنا څخه بې برخې وي.