تاند:( پنجشنبه، د قوس څلور ويشتمه) د تاجيکستان ولسمشر امام علي رحمان پاکستان ته د خپل پروني سفر په خپرو کړو جزيياتو کې ويلي، چې د دغه هېواد چارواکي ورسره په افغانستان کې د ټول ګډونه حکومت د جوړیدو په اړه همغږي دي.
نوموړي زياته کړې، چې د داسې حکومت د جوړیدو پر اړتياوو يې د پاکستان صدراعظم شهباز شريف او نورو چارواکو سره خبرې کړي دي.
امام علي رحمان دا هم ويلي، چې پاکستان او تاجيکستان د تلپاتې ثبات د ټینګښت لپاره د افغانستان ټول شموله حکومت جوړیدل اړين بولي او ټينګار کوي، چې دغه حکومت کې دې ټولو سیاسي او قومي قدرتونو ته ونډه ورکړل شي.
ياده غوښتنه د افغانستان ډېرو سياسي لوريو او نړيوالو هم له طالبانو کړې، خو دوی خپله حاکمه اداره ټول ګډونه بولي.
طالبانو مخکې تاجيکستان د ورته دريځونو له امله د افغانستان په کورنيو چارو کې په لاسوهنې تورن کړی و.
پاکستاني چارواکو په وروستيو کې د افغانستان د حاکمې ادارې ځينو مشرانو سره ظاهړي ښې اړيکې نه لري او په ځينو ناندريو سرحدي سيمو کې د دواړو لوريو د نښتو راپورونه ورکړل شوي.
امام علي د رحمان زوی دا حق نه لري چې افغانستان ته حکومت او دولت جوړ کړي.
زه دا منم چې د ټالب واکمني هېڅ محبوبیت نه لري ، ملي ، اسلامي او نړیوال قوانین نه مراعاتوی ، خو له پرونیو جنګسالارانو ، لنډغرانو ، غلو او دیوې ولسوالۍ له حاکمیت نه نسبتا بهتره ده .
دا د افغانانو ملي او ایماني دنده ده چې په خپلو منځونو کې سره کښیني ، د خپل هېواد ملي حاکمیت ، اساسي قانون او نورو قوانینو جوړولو په برخه کې تصمیم ونیسي .
که د رحمان زوی امام علي زمونږ لپاره حکومت جوړوي ، بیا افغانان هم حق لري د تاجیکستان لپاره یو ټول شمول حکومت چې ټولو تاجیکانو ته د منلو وړ وي ، جوړ کړي .