تاند:(جمعه، د قوس يوولسمه) د طالبانو د حاکمې ادارې وياند ذبيح الله مجاهد، چېنن يې په بلخ کې د قوشتيپې کانال له کارونو او جریان څخه لیدنه کړې، د دغه کانال د پرمختګونو جزییات خپاره کړل.
نوموړی لیکي:« په تیرو اتو میاشتو کې د لومړي فاز ۱۰۸ کیلو مترو په ۱۱۴ نقطو کې کارونه روان دي چې اکثره بشپړ شوي.»
د مجاهد په وينا ، په دې موده کې ټولټال ۳۲۰۰ ماشینرۍ په کار بوخت دي.
ذبیح الله مجاهد وايي، چې په دې پروژه کې ۵۵۰۰ افغانانوته په مخامخ او زرګونو نورو ته غیرمستقیم کار پیدا شوی.
د طالبانو وياند د يادې پروژې نور جزییات په دې ډول ښودلي:«تر ۲۵۰ شرکتونه کار په کې کوي.
– په یوه ورځ کې ۶۵۰۰۰۰ مترمربع کیندنه کیږي.
– تر اوسه ۴۲ میلونه متر مربع کیندنه يې بشپړه شوی.
ــ دا کانال به په یوه ثانیه کې ۶۵۰ مترمکعبه اوبه نقلوي.
ــ د کانال ټول اوږدوالی ۲۸۵ کیلومتره دی.
ــ عرض يې ۱۵۲ متره دی.
ــ عمق يې ۸.۵ متره دی.»
د يادونې وړ ده، چې د قوشتيپې کانال د جوړولو چارې د طالبانو له بيا واکمنيدو وروسته پيل شوي، چې خلکو ېې د چارو د چټک دوام ستاینه کړې ده.