تاند:(چار شنبه، د قوس دويمه) په ننګرهار کې د طالبانو چارواکو د خپلې بیا واکمنۍ د کليزې په مناسبت د پهلوانۍ سیالۍ پیل کړي.
د ننګرهار لپاره د طالبانو د والي مطبوعاتي دفتر ويلي،چې دغه سيالۍ یې بدني روزنې د ریاست له لوري د سره رود ولسوالۍ په چهارباغ صفا لیسه کې پيل شوي.
سرچينه زياتوي، چې په دې سياليو کې ۲۳۰ تنو پهلوانانو برخه اخیستې او یادې سیالۍ به درې ورځې دوام وکړي.
د یادونې وړ ده چې راتلوونکې جمعه به د یادو سیالیو وروستۍ ورځ وي او پکې به د درې ورځو سیالیو پایلې اعلان شي.