تاند (شنبه، د اسد۹) د توکیو ۲۰۲۰ المپیک لوبو کې د افغان ورزشکارانو سفر پرته له کومې بریا پای ته ورسېده.
افغانستان په دې لوبوکې ۵ استازي درلودل، خو یوه هم بریا خپله نکړه او تش لاس هېواد ته راستانه شول.
افغان لوبغاړو سره له دې، چې هڅې هم وکړې خو بریالي نه شول.
چین بیا د سرو زرو د ۱۹ مډالونو په ګټلو سره د جدول په لومړي سر کې ځای لري.
جاپان چې د دې لوبو کوربتوب په غاړه لري تر دې دمه د سرو زرو ۱۷ مډالونه ګټلي دي او دوهم ځای کې قرار لري.
امریکا متحده ایالت به د ۱۴ مډالونو په ګټلو سره په دريم ځای کې قرار لري.
دا سیالۍ د اګسټ میاشتې تر ۸ مې نېټې دوام لري.