تاند- سبا د جون په لسمه به په شمالي نیمکُره کې د لمر تندر یا کُسوف ولیدل شی.
لمر هغه مهال تندر نیسي چې سپوږمۍ د لمر او مځکې ترمنځ برابره شي او په نتیجه کې یې پر مځکه سیوری غوړېږي چې د لمر د رڼا یوه برخه پټېږي.
د نیویارک د طبیعي تاریخ د موزیم د نجومي علومو متخصص جکي فاهرتي وايي، د دې لپاره چې سږ کال په داسې حال کې لمر تندر نیسي چې له مځکې څخه د سپوږمۍ واټن تر بل وخت زیاته ده نو د لمر نیولو له کبله به د سپوږمۍ شاوخوا ته د اور په شان کړۍ په شمالي قطب، ګرینلنډ او کاناډا کې زیاته ولیدل شي خو د امریکا، اروپا او اسیا اوسېدونکي به د لمر تندر یوه برخه وویني.
اټکل شوی چې لمر سبا د ګرینویچ په وخت د سهار په لس بجې او اووه دقیقې تندر ونیسي.