تاند — له افغانستان څخه د بهرنیو سرتېرو د وتلو سره هممهاله په کابل کې د نړیوالو ځواکونو، نوی کابل کمپ د افغانستان د ملي دفاع وزارت ته وسپارل شو.
د ملي دفاع وزارت مرستیال ویاند فواد امان نن جمعه/ د جوزا ۷مه/ پر خپل ټویټر لیکلي، د دغه پوځي کمپ د سپارلو په مراسمو کې د دفاع وزارت مرستیال او په افغانستان کې د امريکايي ځواکونو عمومي قوماندان جنرال سکاټ میلر هم ګډون درلود.
کمپ کابل جدید امروز به وزارت دفاع سپرده شد. در مراسم تحویل دهی این کمپ معاون اول وزارت دفاع ملی و قوماندان عمومی نیروهای امریکایی در افغانستان اشتراک نمودند. جنرال میلر از تعهد جامعه جهانی بر حمایت دوامدار مالی و تسلیحاتی از نیروهای افغانستان تاکید ورزید. pic.twitter.com/mBlz0uKRE1
— Fawad Aman (@FawadAman2) May 28, 2021
د دفاع وزارت د معلوماتو له مخې، د غوڅ ملاتړ ماموریت له ځواکونو څخه افغان ځواکونو ته د انتقال او د اډو سپارلو بهیر په بریالۍ توګه د عملي کېدو په حال کې دی.
د یادونې ده چې له دې مخکې هم بهرنیو پوځیانو په یو شمیر ولایتونو کې خپلې پوځي اډې افغان ځواکونو ته سپارلې دي
د امریکا ولسمشر جو بایډن د سپټمبر ۱۱ له افغانستانه د خپلو پوځیانو د ایستلو لپاره وروستۍ نېټه ټاکلې ده.
خو یو شمېر امریکایي چارواکو ویلي چې د ځواکونو او قراردادیانو د وتلو بهیر په چټکۍ سره مخته روان دی، نو له همدې امله ښايي دغه بهیر تر ټاکلې نېټې مخکې بشپړ شي.