تاند(پنج شنبه، د جوزا ۶) د اذربایجان دفاع وزارت ویلي، چې پوځیانو یې نن په کلباجار سیمه کې د ارمنستاني پوځ شپږ غړي نیولي دي.
یاد وزارت زیاته کړې، چې دا سرتېري یې په داسې حال کې نیولي دي چې د اذربایجاني سرتېرو پوځي مرکزونو ته پر غځېدلو سړکونو یې ماینونه اېښودل.
ارمنستان بیا د خپلو پوځیانو اسیر کېدل تایید کړي او زیاته کړې یې ده چې سرتېري یې په سیمه کې د انجینرۍ په کارونو بوخت وو.
د ویلو ده چې د دواړو هېوادونو ترمنځ په نګورنو قرهباغ سیمه کې تر خونړۍ جګړې وروسته د دې دوو ګاونډیو هېوادونو اړیکې تر حد ډېرې ترینګلې شوې دي.
ډېر کله د دواړو لورو ترمنځ نښتو هم د ګڼو سرتېرو ژوند اخیستی او دواړو خواوو ته یې درانه زیانونه اړولي دي.