تاند ( پنجشنبه، د جوزا ۷ مه) متحده عربي اماراتو د بالیووډ سینما مخکښ او پیاوړي اداکار سنجي دت ته طلایي ویزه ورکړه.
متحده عربي امارات د ( یو اې اي ) طلایي ویزه ډېرو خاصو او ځانګړو خلکو ته ورکوي، د بالیووډ مخکښ اداکار سنجي دت چې په سنجو بابا هم مشهور دی ترې برخمن شو.
نوموړي په دې اړه په خپل انستګرام پاڼه د ویزې د اخیستلو عکس خپور کړی او مینووالو یې مبارکیانې ورکړې دي.
سنجي دت لیکلي چې د متحده عربي اماراتو طلايي وېزه ترلاسه کول د هغه لپاره د یو ستر ویاړ او اعزاز خبره ده.
هغه دغه راز د طلايي وېزې په ورکولو سره د متحده عربي اماراتو حکومت څخه ځانګړې مننه هم کړې ده.
سنجي دت په افغانستان کې هم زرګونه مینووال لري او شاوخوا څو میاشتې وړاندې یې د افغانستان په اړه یو فلم هم جوړ کړی وو.
د نوموړي دا فلم خلکو ډېر خوښ خو له انتقادونو سره هم مخ شو.
باید وویل شي چې د هندي سینما دا مخکښ اداکار سنجي دت تېر کال د سرطان په ناروغي اخته شوی و، خو اوس بېرته رغېدلی دی.
البته د ډوبۍ حاکم هم د اوکراین او ختیځی اروپا ۲۰۰۰ هغو خواری کښانو ته چی (هره یوه ئې) د ورځی لس کیلو کېلې وچوی، د اِقامت طلائی ویزې ډالۍ کړی دی.