ویلې د زوم سر مې تل ښکته وي
ما ویل ګوزڼ خو به وهلی نه وي
ویل یې نه! رانه شرمیږي مدام
یوه سترګه خوب مې هم د شپې و نه کړو
ځکه چې ټوله شپه د یار دیدن ته
ومه ویده زه د هغوی غوجل کې
ورنه مې یوه خولګۍ په سوال وغوښته
هغې ویل خوار شې په کوم خیال کې یې ته
چې سپینه خوله هم رانه غواړې وړیا
پیغلې ویل په تا مې زړه بایللی
ما ځواب ورکړلو په تریوی تندي کې
زه جوارګر درته ښکاره شوم که څه ؟
ګرانه مین په ما یې ولې دا ته ؟
ما وې چې کله د ستا سترګې وینم
نو شې را یادې مې شل نورې مینې
ګرانه دا څوک یې چې زموږ ور ټکوې؟
ما ویل زه یم! ستا نیږدې ملګری
هغه کړه (زه) خو زما ملګری نشته