تاند (سه شنبه د دلوې ۲۸) په کابل کې د امریکا سفارت شارژدافیر راس ویلسن وايي، طالبان باید د هدفي وژنو د څېړلو، غندلو او مخینوي غوښتنې ومني.
ویلسن دغه څرګندونې د ملګرو ملتونو د مرستندوی ماموریت د تازه راپور په غبرګون په څو ټوېټونو کې کړي او له افغان حکومته یې غوښتنه کړې چې د یوناما له سپارښتنې سره سم د خپلو اتباعو خوندیتوب پیاوړی کړي، حملې په شفافیت وڅېړي او قاتلان مجازات کړي.
(1/3) We applaud the blunt and compelling report by @UNAMA on the targeted killing of human rights defenders & journalists. We support its call for the Taliban to investigate, condemn, and prohibit targeted civilian killings such as these. https://t.co/Oa9paw9Rsp
— Chargé d’Affaires Ross Wilson (@USAmbKabul) February 15, 2021
په افغانستان کې د ملګرو ملتونو مرستندوی دفتر یا یوناما پرون دوشنبه د یوه راپور په خپرولو سره ویلي چې د ۲۰۱۸ د جنورۍ له میاشتې تر دې دمه افغانستان کې د رسنیو او بشري حقونو ۶۵ کارکوونکي او مدافعین وژل شوي دي.
ددغه راپور له مخې، د بین الافغاني مذاکراتو له پیل راهیسې په افغانستان کې د رسنیو ۱۱ کارکوونکي او د بشري حقونو مدافعین په هدفي حملو کې وژل شوي دي.
د سولې خبرو له پیل سره سره د هدفي وژنو په لړ کې ۱۱ مدني فعالان او خبریالان وژل شوي
د خبر په کښلو کې تر سرعت د قت مهم دی. تاسو دا لاندي دوې جملې و ګورئ که له دقت څخه کار واخلئ خامخا به لږ تر لږه دوې غلطۍ پکښي و مومئ:
(( په افغانستان کې د ملګرو ملتونو مرستندوی دفتر یا یوناما پرون دوشنبه د یوه راپور په خپرولو سره ویلي چې د ۲۰۱۸ د جنورۍ له میاشتې د ۲۰۲۱ د مۍ تر ورستۍ نېټې پورې افغانستان کې د رسنیو او بشري حقونو ۶۵ کارکوونکي او مدافعین وژل شوي دي.))