تاند (سه شنبه د دلوې ۲۸) د فاریاب امنیتي چارواکي وايي چې په دې ولایت کې د سړک د غاړې په ماین چاودنه کې ۷ پولیس وژل شوي.
د فاریاب د امنیه قومندانۍ ویاند عبدالکریم یورش وايي، دغه پېښه پرون دوشنبه مازدیګر مهال د المار ولسوالۍ په بازار کې رامنځته شوې چې له امله یې ۷ پولیس وژل شوي دي.
نوموړي ددغې پېښې پړه پر طالبانو اچولې، خو یادې ډلې تر اوسه په دې هکله کوم څه نه دي ویلي.
د فاریاب د امنیه قومندانۍ ویاند زیاتوي چې له چادونې وروسته د یو ساعت لپاره د امنیتي ځواکونو او طالبانو تر منځ نښته شوې چې په پایله کې یې ۱۰ وسله والو طالبانو ته مرګ ژوبله اوښتې.