تاند ( سه شنبه، د دلوې ۲۸) ملي دفاع وزارت وایي چې افغان کومانډو ځواکونو تېره شپه په بغلان ولایت کې د طالبانو یو زندان مات کړی دی.
ملي دفاع وزارت وایي چې په دې عملیاتو کې له یاد زندان نه ۴۲ کسان آزاد شوي دي.
سرچینه وایي دا عملیات د بغلان ولایت د مرکزي بغلان ولسوالۍ په علي خواجه کلي کې ترسره شوي دي.
ملي دفاع وزارت وایي چې په دې زندانیانو کې ۲۵ تنه یې نظامیان او پاتې ۱۷ نور یې ملکیان دي.
افغان ځواکونو تر دې وړاندې هم په ګڼو ولایتونو کې د طالبانو زندانونه مات کړي او له دې زندانونو یې ګڼ کسان خوشي کړي دي.
بل لورته وسله والو طالبانو بیا په دې اړه رسنیو ته څه نه دي ویلي.