تاند — د افغان فیلم په نوښت د لاجورد په نوم د فیلم لومړۍ ملي فیستوال په کابل کې پرانیستل شو.
په دغه فیستوال کې سلګونو سېنماګرانو، فلم جوړوونکو او هنرمندانو د د افغانستان له بېلابېلو برخو او له بهر څخه ګډون کړی دی.
دا فسټیوال پرون شنبه د روانې قوس میاشتې په لومړۍ نېټه پیل شوی او ټاکل شوې چې د همدې میاشتې تر لسمې نېتې دوام پورې دوام به دوام وکړي.
د افغان فیلم رییسې صحرا کریمي پرون شنبه د یاد فیستوال په پرانیستغونډه کې وویل، په دې فیستوال کې به ۵۵ فیلمونه په داستاني، مستندو او انمېشن ژانرونو کې د کابل په بېلابېلو سینماګانو کې نندارې ته وړاندې شي.
د مېرمن کریمي په وینا، دا فیشنوال د افغان فیلم په نوښت او څو خصوصي شرکتونو په مالي ملاتړ جوړ شوی دی او موخه یې په هېواد کې د سېنما فرهنګ عامول او د سېنما او خلکو تر منځ واټن ختمول دي.
د اطلاعاتو او فرهنګ وزارت سرپرست محمد طاهر زهیر د دولت تر څنګ باید خصوصي بنسټونه هم سېنما ته ځانګړې پاملرنه وکړي، تر څو پرمختګ وکړي.
د نوموړي په خبره په افغانستان کې روانه جګړه او د سینما صنعت ته د دولت او خصوصي سکتور له لوري نه توجه کول هغه څه دي چې سینما پرمختګ نه دی کړی.
لاجورد فیستوال په داسې مهال په کابل کې پرانیستل شوه چې په د دغه ښار په مختلفو برخو ۲۳ توغندي ولګېدل، خو سېنماګر په دې اند دي چې فلم هر وخت د ښار څېرې ته تغیر ورکولی شي، نو باید په دې برخه کې پرمتګ رامنځته او کار ورته وشي.