تاند (چهارشنبه د میزان ۲۳) د پکتیکا ولایت سیمه ییزو چارواکو د طالبانو د کوټې شورا د یوه مهم غړي، ملا عبدالکریم د وژل کیدو خبر ورکړی دی.
د پکتیکا د امنیه قومندانۍ له لوري په خپره شوې خبرپاڼه کې ویل شوي، چې ملا عبدالکریم نن ماسپښین د جانیخیلو ولسوالۍ جمجمې سیمه کې د پولیسو لخوا هغه مهال وژل شوی چې غوښتل یې له دې سیمې څخه تېر شي.
سرچینه کاږي د وژل شوي کس جسد د جګړې په میدان کې پاتې او دوه نور ملګري یې سخت ټپیان شوي دي.
خبرپاڼه زیاتوي، د یادو کسانو یو میل کلاشنکوف، یوه کشفي مخابره او یو موتر سایکل هم د پولیسو لاسته ورغلي دي.
سرچینې دغه راز زیاته کړې، طالبانو تېره شپه د سروبي ولسوالۍ اړوند د منګاروتوی پر پوستو ډله ییز برید کړی چې دوه تنه طالبان پکې وژل شوي او یو بل ټپي دی.
د چارواکو په وینا په دې نښتو کې پولیسو ته کوم زیان نه دی او ښتی. طالبانو تر اوسه په دې هکله تبصره نه ده کړې.