تاند- سامسونګ کمپنۍ غواړي یو ځیرک یا سمارټ ساعت راوباسي چې بند یې بدلېدای شي او په هر ځای کې ورڅخه کار اخیستل کېدای شي.
د ډیلي مېل ورځپاڼې د راپور له مخې، د سامسونګ نوی ځیرک ساعت، چې د انسان د روغتیايي وضعیت په اړه د معلوماتو سینسر هم لري، کار پیل کړی دی.
په دې ساعت کې، چې د سامسونګ کمپنۍ (GearS 3) ورژن دی، (Gear Fit2) ګجیت شامل شوی. دا ګجیت داسې جوړ شوی چې استعمالوونکی یې په هر ځای کې – که دفتر وي یا کلب- کارولی شي. دا ساعت د اوبو ضد او اندازه یې کوچنۍ ده.