تاند( سه شنبه، د سرطان ۳۱) د افغانستان د سوداګرۍ او صنایعو خونې مسولانو نن په کابل کې د افغاني صادراتو لپاره یو ورځنی نندارتون پرانستی دی.
د یادې خونې مشرتابه وایي، چې دا نندارتون د افغاني صارداتو د ښې پيژندنې لپاره په لاره اچول شوی دی.
د سوداګرۍ او صنایعو خونې مسولانو په کابل کې د صادراتو ، عامه خبرو اترو او خصوصي سکتور او لوړ صادرونکو په اړه هم ملي ناسته ترسره کړه.
د افغانستان د سوداګرۍ او صنایعو اتاق کې د عامه اړیکو رییس امین بابک وایي، چې په دې ناسته کې دولتي چارواکو ، د سکتور وزیران ، د سوداګرۍ او پانګونې د خونې رییس ، او د خصوصي سکتور غړیو او صادرونکو غړو برخه اخیستې وه.
هغه وویل چې د صادراتو د زیاتوالي په اړه د بحث په وخت کې، د هیواد لوی صادرونکي د صادراتو هڅولو او لا ډیر توجه لپاره وستایل شول.