تاند ( یکشنبه، د سرطان ۲۹) د نایجریا په شمال کې په زامفارا ولایت کې ځایي چارواکي غلو ته د وسلو په بدل کې غواګانې ورکوي.
د یادې سیمې ځایي چارواکو پرغلو غږ کړی، چې خپلې وسلې حکومت ته تسلیم کړي او په بدل کې یې له دوی غواوې واخلي.
ځایي چارواکي زیاتوي، چې په دغه سیمه کې وسله والې غلاوې پيل شوې دي او د شوکماریو د مخنیوي لپاره یې دا پرېکړه کړې ده.
دوی وایي په دغه سیمه کې د غوا لرل ستره شتمني بلل کېږي او د خلکو ورځنی ژوند له غوا او زراعتي محصولاتو تامینیږي.