تاند(شنبه،دسرطان۲۸) د هرات کرنې ریاست مسولان وايي دوی به په روان کال کې د دې ولایت بڼونو څخه ۱۴۰ زره متریکه ټنه انګور ترلاسه کړي.
سرچینه وایې دا ارقام د تیر کال په پرتله یولس سلنه زیاتوالی ښیي.
ددې ولایت د کرنې ریاست مسوولین وړاندوینه کوي، چې سږکال به دوی ددې ولایت د انګورو بڼونو څخه یې یو سلو څلویښت زره متریکه ټنه انګور ترلاسه کیږي.
په ورته مهال سیمه ایز چارواکي هم وايي چې هېواد څخه بهر ددې مېوو د صادراتو استولو په لټه کې دي. هرات د اتلس هکتاره انګورو بڼ سره،په هیواد کې د دې میوې یو له عمده وړاندې تولیدوونکو څخه شمیرل کیږي.
بڼوال هم د دې سربیره، چې په روان کال کې د خپلو حاصلاتو زیاتوالي څخه خوښ دي خو د بازار نشتون له امله اندیښنه لري او دغه راز پر وخت له هیواد بهر ته د خپلو صادراتو لپاره د آسانتیا برابرولو باندې ټینګار لري.
سیمه ییز چارواکي هم وایي هڅه کوي چې په بهر کې د افغانستان سفارت خونو له لارې،د کرنیزو محصولاتو صادراتو لپاره زمینه برابره کړي.
د یادولو ده چې په هرات کې د انجیل،ګذره،اوبه،پشتون زرغون او زنده جان،د هغو ولسوالیو له ډلې دي چې تر ټولو زیات او باکیفیته انګور بازار ته وړاندې کوي.